Павел Мӧҥкӱлеевич Алушкин јада калды

Рейтинг:   / 0
ПлохоОтлично 

Кочкор айдыҥ экинчи кӱнинде Павел Мӧҥкӱлеевич Алушкин јеткердеҥ улам јада калды.  Павел Мӧҥкӱлеевич алтай калыгыныҥ салымыла, оныҥ тӱӱкизиле, религиязыла јилбиркеп, алтайларда бу сурактарла бир шӱӱлте болзын деп амадаган. Ол Алтай Республикада калганчы ӧйлӧрдӧ јаҥныҥ ижин кезем јаратпай турган болгон. Ол анайда ок кезик улустыҥ алтай калыктыҥ Эл Башчызы деп јамыга кадалып калган божотпой, эмезе бодоп блаажып јатканын кезем јаратпай, олордыҥ алтай калыкка јетирип турган каршуларына кородоп туратан.

Павел Мӧҥкӱлеевич калганчы майма аймактыҥ алтайларыныҥ Курултайында, алтай калыктыҥ койон (2011) јылда кандык айдыҥ 16-чы кӱнинде ӧткӧн Курултайында база турушкан.  Павел Мӧҥкӱлеевич талдаштарла колбой Кан-Оозында Ойбокто ӧткӧн алтайлардыҥ Курултайында эрчимдӱ туружып, алтайларды КПРФ учун ӱнин берзин деп кычырган. Ол алтайлардыҥ религиязы јанынаҥ бастыра газеттерде чыгып турган шӱӱлтелерди јууп алган болгон, бойыныҥ кӧрӱмин јарлаарга сананган.

Улалу каланыҥ алтайларыныҥ Курултайыныҥ бӱдӱреечи кӱреези Павел Мӧҥкӱлеевичтиҥ билезине ле тӧрӧӧндӧрине олорло кожо тереҥ карыгып турганын јетирет.

Павел Мӧҥкӱлеевичтиҥ мӧҥкӱзи эртен кочкор айдыҥ 4-чи кӱнинде 1 саатта айлынаҥ чыгар. Айлы майминский взвозто, пивзаводтыҥ ары јанында, суу келтейинде.

 

Улалу каланыҥ алтайларыныҥ Курултайыныҥ бӱдӱреечи кӱреезиниҥ јааны, иркиттердиҥ јайзаҥы В. Кудирмеков

 

 

Добавить комментарий


Защитный код
Обновить

Дополнительная информация