Внимание
  • Не удалось вызвать функцию mail.
  • Не удалось вызвать функцию mail.
  • Не удалось вызвать функцию mail.
  • Не удалось вызвать функцию mail.
  • Не удалось вызвать функцию mail.
  • Не удалось вызвать функцию mail.
  • Не удалось вызвать функцию mail.
  • Не удалось вызвать функцию mail.
  • Не удалось вызвать функцию mail.
  • Не удалось вызвать функцию mail.

Тулаан айдыҥ биринчи кӱнинде Улалуныҥ алтайларыныҥ курултайы ӧтти.

Рейтинг:   / 1

Улалу Алтай Республиканыҥ эҥ јаан аймагы болып јат, мында јадып турган алтайлардыҥ тоозы Оҥдойдогызынаҥ да, Кан-Оозындагызынаҥ да кӧп. Бис текши калыктыҥ курултайына 71 элчи аткарзас, Оҥдой – 70, Кан-Оозы – 64. Курултайда сӧс айткан элчилер:

Кудирмеков В.Д.: эм тургуза мандат камыстыҥ јетиргениле 61 кижи, улус чӧйилип араайынаҥ јуулып ла јат, оныҥ учун бис отчетно-выборный сурактар кӧрбӧзис, республикан курултайга белетенектер, оныҥ сурактарын ла элчилерин тударыс, бӱгӱн калада партиялардыҥ конференциялары, садуныҥ ярмаказы, спортсмендер ле артисттер аймактар сайын барган, бӱдӱреечи кӱреениҥ эткен ижи керегинде, мэр ле АР Главазы качан бирде алтай болоры, алтай улус бары учун замдар ла депутаттар болып турган улус ойто кайра алтайлар јаар кӧрбӧй турганы, каланыҥ газединде эмди алтайлар калада 25 проценттеҥ кӧп болып калган болзо газеттиҥ јӱк 18 процентти, 3 страница, алтайлап чыгар учурлу, бир эмес, каланыҥ алтайларыныҥ курултайыныҥ кӱреезине окылу чыду берер керек. Оныҥ положениезин јазап, јасакка келиштире каланыҥ депутаттар соведиле бе, эмезе мэрдиҥ указыла ба быжулаар керек. Ондый ла иштерди текши калыктыҥ курултайыныҥ Тӧс Тӧргӧӧзин быжулап, эдер керек, алтай байрамдарды алтай калыктыҥ курултайларыныҥ улузы ачар керек, калада школдордо алтай тилди ӱренери чек коомой айалгада, шылтак – тӧрӧл башкаругыс, тӧрӧл алтай депутаттарыс бичиктерге акча бербей турганында, бис политикага, талдаштарга киришпезес те, ол политикада болорыс. Эл-Ойынды 2014 јылдыйын Кан-Оозында Ойбокто ло 2016 јылдыйын Улалуда ӧткӱрер керек. Ӧрӧ айдылганы чокым акчанаҥ база камаанду, акча јуурыныҥ ӱлекерин ле ӧрӧги сурактарды текши курултайда база јӧптӧп, јӱрӱмде бӱдӱрер керек. АКК-на бу сурактардаҥ турган јӧп јарадылды.

Кыдыева В.Я. – алтай тилдиҥ сурагын чокым кӧргӱсти, алтай тилдиҥ программазын ойто культураныҥ подпрограммазынаҥ чыгарып аҥылу программа эдери, албатыла иштеп турган јаҥныҥ органдарында алтай улус кыйалтазы јогынаҥ иштеер учурлу, каладагы школдордо алтай тилдиҥ кабинеттерин, учебниктерле јеткилделгенин кӧрӧр керек. АКК-на бу сурактардаҥ турган јӧп јарадылды.

Теркин М.М. – улус јуулганы ас болордо ол ачымчылу, тунчылар келди, бистиҥ республикан гимназияда да, бистиҥ элитный ӱредӱлик гимназиягыста алтай тилди кандый айалгада эдип салганы санааркадат, кече новосибирсктеҥ келдим АӦК јуунынаҥ, бастыра Сибирьде тӧрӧл тиле айалга коомой.

Уханов В.Н. – улу керектер табыш јок эдилет, мен база ӱч јыл кайра деремнеде болгом, санангам ӱзе немени городто бистиҥ интеллигенция бийик кеминде аайлап ла эдип јат деп, бӱдӱреечи јаҥныҥ улузы јок јаман, олор јокко олорды јамандап турган аайлу, алтай учебниктер чыгарында тутактар јок, је качан ол учебниктер болоры јарт јок.

Иркитова А.А. – 15 јылда бастыра учебниктер болор учурлу, бу учебниктердиҥ кандый школдо кандыйлары јетпей турган общественный организациялар шиҥдеп, ајаруга алып биске айдып турзын.

Торбоков В.С. – бисте мэр, АР Главазы, сенаторлор, ГД ла Москвада элчиликте алтай улус эмес. АР алтай улус бары учун берилген. Ол бистиҥ учебниктер јок, алтай тилди корыыр деген сӧстӧрис керектӱ, је толо эмес. Эҥ учурлузы – политиканы солыыр керек, алтай тилге отношениени јаҥныҥ, јаҥда иштеген кижи кандый тилдерди билетенин ле о.ӧ. Бистиҥ јаан иштерде иштеген ле иштеп турган улустыҥ балдары алтай тил билбес. Је, темдектезе, бастыра јӱрӱминде гран ары јанында иштеп турган Палкин Сӱмер су алтай тилдӱ, ол эмди Пекинде јадып иштейт. Сурактарды принципиально тургузар керек. АКК-на бу сурактардаҥ турган баштану јарадылды.

Палкина Р.А. – биске уулдарысты ӧскӱрер керек, ол В.И. Чаптыновтый болгылазын, олор јаҥыс алтай эмес, Шаймиевле, Тулеевле, Собянинле, ӧскӧ тергеелердиҥ јаандарыла теҥ куучындажып ийер уулдар болор керек. Бистиҥ ас алтай калык биригип албай турганыс комой, биригер керек.

Демчинова М.А. – алтай тилдиҥ программазын ла соведин АР Главазы башкарзын, алтай центр керек, јуулып алтай тилисле куучындажып отырарга, бу бистиҥ сурактарыс бӱдерин кезем некеер керек. АКК-на бу сурактардаҥ турган јӧп јарадылды.

Тыдыков С.В. – алтайларга биригер керек, ас келгени ачымчылу, иштенерис.

Табаев О.Т. – тил ле јаҥ ол бир неме, ол керегинде бичикти бичип салгам, кепке базарга акча јууп чыгарарым.

Ойношев П.П. – улусты јуур керек, бу курултай керегинде мен газеттеҥ бӱгӱн тӱнде кычырдым, кезик улус аҥылу кычырбаза уйалып јат базып келерге.

АКК-йына 71 элчи тудулды, ол тоодо каланыҥ курултайында турушкан улус, калада јадып турган АР депутаттары, аксакалдары ла јайзаҥдары.

Комментарии   

0 #1 Амыр 04.03.2014 23:25
61 кижи jуунга турушкан, а 71 делегат тудулган, кандый кайкамчылу.
Цитировать | Сообщить модератору

Добавить комментарий


Защитный код
Обновить

Дополнительная информация