Внимание
  • Не удалось вызвать функцию mail.
  • Не удалось вызвать функцию mail.
  • Не удалось вызвать функцию mail.
  • Не удалось вызвать функцию mail.
  • Не удалось вызвать функцию mail.
  • Не удалось вызвать функцию mail.
  • Не удалось вызвать функцию mail.
  • Не удалось вызвать функцию mail.
  • Не удалось вызвать функцию mail.
  • Не удалось вызвать функцию mail.

23-те калада јӧптӧжӱкамыстыҥ јуунында улу Анатарадонов јеҥди.

Рейтинг:   / 0

Кӱӱк айдыҥ 23-чи кӱнинде калада печатьтыҥ туразында ӧткӧн  јӧптӧжӱкамыстыҥ јуунында туружала, Оҥдойдыҥ улузын алаҥ кайкадым. 11-де ле 18-те ӧткӧн јуундарда туружала айткан болгоныс - Антарадонов јуунга келеле, бойыныҥ амвросийлериниҥ делегацияларын токтодып салар учурлу деп. 23-те јуулган  јӧптӧжӱкамыстыҥ улузы Антарадоновты мактап, мактап, оныла оморкоор керек дейле; Пильтин сайыттар ол база тыҥ улус дейле, Соколов сайыттар ол алтай улустыҥ элитазы, олорло бастыразыла, анчада ла Антарадоновло, оморкоор керек  дейле, нӧкӧр, улу Антарадоновтыҥ айткан сӧзиле 31-де драмтеатрда курултайды ӧткӱрер деген јӧпти колкӧдӱриштиҥ кӧбиле јӧптӧп салдылар.

Куучынныҥ бажында Оҥдойдыҥ улузы курултайды кезигиниҥ "јуук нӧкӧри", кезигиниҥ "јерлежи", кезигиниҥ "оморкодузы" болгон С.Т. Пекпеевтиҥ 40 кӱни ӧтсӧ ӧткӱрер керек деп трибунанаҥ тыҥ ла изӱ куучындагылады. Олорды бастырага јуук улус јӧмӧгӧн болгон. Је нӧкӧр, улу Антарадонов трибунага чыгала, бистиҥ курултайыс ол С.Т. Пекпеевтиҥ 40 кӱнине биригип, эткен сыйыс болор, бастыра ла делегациялар келзин, кирзин деерде, ӱзе  јӧптӧжӱкамыстыҥ улузы кӱӱнин саҥ тескери солып, јӧп боло берди. Алдында залда отурган С.С. Тюхтенев улай ла улай "эмди бис делегат болорыс па?" - деп улустаҥ сурап турган болгон, ол до токынай берген ошкош, унчыкпат. Мен јӧп эмес болуп колым кӧдӱрдим. Нениҥ учун дезе, бис эки кӱнге калада курултай ӧткӱреле, делегаттар тудуп аларыста, ол бистиҥ туткан албатыныҥ делегаттарын канайып амвросийлерле тӱҥейлеер? Ол керегинде 18-те Оҥдойдо айткан болгом, ол амвросийлердиҥ делегаттарын токтотпогончо, бис олорло кожо нени де этпезис деп. С.С. Тузачинов ло А.Т. Кучинов оны ундуучы улус болдылар. Ого ӱзеери, "Ол 31-де курултайга келеле, улус ойто ло Антарадоновтыҥ сӧзин угала, Уставты ӱлекер деп эмес, окончательный вариант эдип чын јӧптӧйлӧ, Эл Башчы деп холуйды тудуп салбас па? Ондо ондый болбос деп гарантия берип аларар ба?" - деп сурагыма Семен Сергеевич акту "мен ондый гарантияны берип албазым" деди. Айса, бис бу комедияны не сыктадып турганыс? Амвросийлер 23-те болгон  јӧптӧжӱкамыстыҥ јуунында јеҥип алды. Эмезе бу тушта  јӧптӧжӱкамыстыҥ улузы алдынаҥ ала амвросийлер болгон ло олор бисти бириктирер эмес, алдынан ала тӧгӱндеп, чуланга кийдириеле, јибидип саларга пландаган? Ондый болзо, олордыҥ планы бӱткен. Менеҥ Тузачинов "не сӧс айтпадыҥ?" - деп, каткырып, сурап турарда, мен ичимде кайкадым - канча кире бир ле немени айдар, мениҥ кӧрӱм-шӱӱлтемди  јӧптӧжӱкамыс билер, бис айткан болгоныс бастыра амвросийлердеҥ турган антарадоновский курултайда туружатан каланыҥ ла Кан-Оозыныҥ экинчи делегацияларын токтотсо, бис кожо иштеерис деп. Эмезе ол бойын неме билбеечи, аамайсу кижи эдип, бистиҥ алдыска ойноп турган ба? Аамайсу болзо, мындый јондык ишке киришпезин, бисти тообой турган болзо, мындый  јӧптӧжӱкамыстыҥ јуунына кычырбазын.

В. Кудирмеков

Добавить комментарий


Защитный код
Обновить

Дополнительная информация