Улалуныҥ алтайларыныҥ ээчиде Курултайы ӧтти

Рейтинг:   / 0
ПлохоОтлично 

Јаҥар айдыҥ 9-чы кӱнинде Улалуда, экономический техникумныҥ туразында алтайлардыҥ ээчиде Курултайы ӧтти. Курултайда 7 сурак кӧрӱлген: алтай тил, келер республикан Эл-Ойынды кайда ӧткӱрери, «АР-ныҥ байлу јерлери керегинде» деп јасактыҥ ӱлекери, каланыҥ алтайларыныҥ бӱдӱреечи кӱреезиниҥ каруулу куучыны, каланыҥ јаҥы јайзаҥын ла јаҥы бӱдӱреечи кӱреезин тудары ла алтайлардыҥ келер республикан Курултайына каланыҥ алтай элчилерин кӧстӧӧри.

Курултайда АР-ҥ Јааныныҥ ордынчызы, јурт-ээлемниҥ министри Манзыров А.П., Эл-Курултайдыҥ комитединиҥ јааны Уханов В.Н., АР-ҥ Башкарузыныҥ ишчилери Варванец Л.С., Дьолдошпоева Е.С. туруштылар. Олордоҥ бойыныҥ сӧзин Манзыров А.П. ла Уханов В.Н. айттылар. ГТРК-ныҥ операторы Курултайга келген улустыҥ ончозыныҥ јӱстерин фильмге соголо, јоголып калды.

Курултайда сӧс айттылар: Самыков Б.Т., Тырысов З.Т., Сахарова Л.Д., Тюхтенева Н.Е., Чочкина М.П., Петров В.И., Штанаков В.К., Иркитова А.А., Манзыров В.А., Урбанов А.Т., Мендин Н.Е., Кучияков П.В., Кыдыева В.Я., Кыхыев А.А. ла Тодожокова А.С.

Улалуныҥ алтайлары келер республикан Эл-Ойынды Майма аймактыҥ Сайдыс јуртыныҥ јанында ӧткӱрзин деп шӱӱлте јаратты. Сайдыс јурттыҥ чыгартулу улустары, депутаттары ла јаан-јаштулары кече бу јӧпти бойлоры чыгаргылаганын улус уктылар. Бу суракты келер республикан Курултайда база кӧрӧри темдектелди.

 

Каланыҥ јайзаҥына Кыхыев Аззат Айасович кӧстӧлди. Каланыҥ алтайларыныҥ Курултайыныҥ бӱдӱреечи кӱреезине база 12 кижи тудулдылар. Алтайлардыҥ келер республикан Курултайына каланыҥ 35 элчизи кӧстӧлди.

Курултайдыҥ ижи ле јӧптӧри керегинде јетирӱни келер кӱндерде бистиҥ сайттаҥ ла «Улалу» газеттеҥ кычырыгар.

 

 

Улалу каланыҥ алтайларыныҥ Курултайыныҥ бӱдӱреечи кӱреези.

Добавить комментарий


Защитный код
Обновить

Дополнительная информация